საყდრისის ტერიტორიაზე  დღეს დილიდან მიმდინარეობდა დაპირისპირება ოპოზიციური პარტიების წარმომადგენლებსა და  კომპანია RMG gold-ის ადმინისტრაციას შორის.

 

პარტიები მოითხოვდნენ  საყდრისის მიმდებარე იმ მიწის ნახვას, რომელიც ეკონომიკის სამინისტროს აუქციონზე გააქვს, თუმცა მათ ტერიტორიაზე შესვლაზ უარი მიიღეს . 

 

 სიტუაცია გაამწვავა შლაგბაუმის გადაკეტვამ, თუმცა ამ წინაღობის გადალახვა მათ მაინც შეძლეს და კომპანიის წარმომადგენლობა იძულებული გახდა  მოლაპარაკებაზე წასულიყო.

 

როგორც  ”ნაციონალურ მოძრაობაში” აცხადებენ, მოლაპარაკების შედეგად ადმინისტრაცია   ოპოზიციის წარმომადგენლებს ტერიტორიების დათვალიერებაზე დათანხმდა –   ტერიტორიაზე 20-20 კაციანი ჯგუფები შევლენ. 

 

შეგახსენებთ, პოლიტიკოსები კომპანია "RMG Gold"-ისთვის აუქციონის წესით დამატებით 16 ჰექტარის გადაცემას აპროტესტებენ.

,,ივანიშვილის 15 ათას ლარად 16 ჰექტარი ტყის წაღებას და იქ ციანიდის მოსხმას, რომ იდევ უფრო განვითარდეს მრავალი მილიონით მისი ბიზნესი. ძალიან მიხარია, რომ მრავალპარტიული ფორმატია, სადაც ხელს შევუშლით ამ ადამიანს, ესე მას ცხოვრება ამ ქვეყანაში არ გაუვა“-განაცხადა დღეს დილით „ ნაციონალური მოძრაობის“ ერთ-ერთმა ლიდერმა ნიკა მელიამ, რომელიც თანამოაზრეებთან, ამ სემთხვევაში სხვა ოპოზიციური პარტების წარმომადგენლებთან ერთად  ამჟამად საყდრისში იმყოფება