ნიკა გვარამია დეკანოზ გიორგი მამალაძეს მატროსოვის ციხეში შეხვდა და მისგან გარკვეული ინფორმაცია მიიღო, თუმცა, კონკრეტულ დეტალებზე, ჯერჯერობით, არ საუბრობს.დეკანოზმა ფინანსური სქემები გაშიფრა და გვარამიას თქმით, ამ სქემის მონაწილეები ეკლესიის მაღალჩინოსნები არიან.„საუბარია ძალიან დიდ თანხებზე. ეკლესიის მაღალჩინოსნები ნამდვილად არიან დასახელებული, არავითარ პირად ცხოვრებაზე იქ საუბარი არ ყოფილა, უბრალოდ სირცხვილია. ეს ადამიანი იქ ზის იმიტომ, რომ გაშიფრა მაღალი ეკლესიური თანამდებობის პირების მიერ ეკლესიის ქონების დატაცება და ამის უტყუარი საბუთები აქვს,“ – განაცხადა ნიკა გვარამიამ და დასძინა, რომ მან ეს პატრიარქსაც უამბო.,,პატრიარქს ვუთხარი, დიახ. ის მისმენდა. პატრიარქთან თუ შეხვედრილხართ, ის ძირითადად გისმენთ. ძალიან სიტყვაძუნწია, მაგრამ ის ერთი წინადადება ღირს ბევრი ადამიანის დაწერილ წიგნად. მე არ ველოდები პატრიარქის რეაქციას, მე პატრიარქთან ვისაუბრე, მე მისი პოზიცია გავიგე, ეს ჩემთვის გასაგები იყო, ეს ჩემთვის იყო მწვანე შუქი. მე ვიმოქმედებ ისე, როგორც ვთვლი საჭიროდ" – განაცხადა ნიკა გვარამიამ.
ნიკა გვარამიას თქმით, ეს ყველაფერი პატრიარქს უამბო და პატრიარქის პოზიციაც მოისმინა.