„საერთაშორისო გამჭვირვალობა-საქართველოს“ აღმასრულებელი დირექტორი პრემიერის განცხადებას აფასებს და აცხადებს, რომ ეს იყო კონსტექტიდან ამოვარდნილი წერილი და ძალიან დიდი შეცდომა.ეკა გიგაურის თქმით, საინტერესოა, ამ წერილის შედგენაში ჩართულები იყვნენ თუ არა საგარეო საქმეთა სამინისტრო და პარლამენტი და უძღოდა თუ არა ამ ყველაფერს წინ კონსულტაცია.ეკა გიგაურის თქმით, პრემიერი თავის ნათქვამზეა პასუხისმგებელი.„საერთაშორისო გამჭვირვალობა-საქართველოს“ აღმასრულებელი დირექტორი აღნიშნავს, რომ აღნიშნული წერილიდან გამომდინარე, პრემიერმა საზოგადოებას თუნდაც, პარლამენტიდან უნდა აუხსნას შინაარსი.
„ეს იყო ძალიან სახიფათო დისკუსია, რომელიც დაიწყო ზუსტად ან წერილის გავრცელების შემდეგ და ის უიმედობა, რომელიც შეიძლება ჩვენს მოსახლეობაში გავრცელდეს ამ წერილის შემდეგ, ასევე არის პრობლემატური,“ – აღნიშნა გიგაურმა.ეკა გიგაურის თქმით, პრემიერი მსგავსი განცხადებით საზოგადოებაში კონფლიქტს ქმნის, რის გამოსავლადაც, მთავრობის მხრიდან გაერთიანებისკენ მოწოდებას ასახელებს.