ნანი ბრეგვაძემ მოსკოვში წასვლა გადაიფიქრა?

0
439
მომღერალმა ნანი ბრეგვაძემ შესაძლოა მოსკოვში, 28 მარტს დაგეგმილი კონცერტი გააუქმოს. როგორც მომღერლის შვილი ეკა მამალაძე აცხადებს, ჯერჯერობით კონცერტთან დაკავშირებით საბოლოო გადაწყვეტილება მიღებული არ არის. „არ ვიცით, ვერაფერს გპასუხობთ. შესაძლოა გადაიდოს“, – განაცხადა ეკა მამალაძემ. 
 
კითხვაზე: იქნება თუ არა ეს ეკა მამალაძისა და ნანი ბრეგვაძის პროტესტი რუსეთის მიმართ, არჩილ ტატუნაშვილის საქმესთან დაკავშირებით, რადგან ამ დრომდე ვერ მოხერხდა მისი ცხედრის გადმოსვენება, მამალაძე პასუხობს: „ალბათ, ასე იქნება“. 
 
„ჯერჯერობით თავს ვიკავებთ. არ ვიცით რა ვქნათ. ჩვენც ვფიქრობთ“, – განაცხადა ეკა მამალაძემ ტელეკომპანია "იბერიასთან" საუბრისას. 
28 მარტს მოსკოვში, Crocus City Hall-ში ნანი ბრეგვაძის საიუბილეო კონცერტია დაგეგმილი. 
წინა სტატიაცხინვალიდან დაბრუნებული ბიჭები ახალს ვერაფერს ამბობენ არჩილ ტატუნაშვილის გარდაცვალების გარემოებებზე
შემდეგი სტატიაპუტინისა და მერკელის ,,ტაბაკობა” შებოლილი თევზითა და ლუდით – იქნებ, ჯობდა პრემიერს იმ წერილის ნაცვლად გებჟალია გაეგზავნა მოსკოვში
ტელეკომპანია ოდიშის საინფორმაციო სამსახური