ბათუმში, ბულვარში მშენებარე კორპუსის მეცხრე სართულიდან 13 წლის ბიჭი გადმოვარდა. დაშავებული ბათუმის დედათა და ბავშვთა სამედიცინო ცენტრშია გადაყვანილი.
ექიმების განცხადებით, მოზარდი რეანიმაციულ განყოფილებაში იმყოფება, მოზარდს თავის ღია ტრამვა აქვს მიღებული და მძიმე მდგომარეობაშია.
თვითმხილველთა თქმით, ეს უბედური შემთხვევა მაშინ მოხდა , როცა მშენებარე კორპუსში ბავშვები თამაშობდნენ.
მომხდართან დაკავშირებით საქართველოს შინაგან საქმეთა სამინისტრომ გამოძიება "სისხლის სამართლის კოდექსის” 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე, ან მძიმე დაზიანებას გულისხმობს.