კიევის ცენტრში, შევჩენკოს სახელობის პარკში საქართველოს ყოფილი პრეზიდენტის, მიხეილ სააკაშვილის მომხრეების მიტინგი მიმდინარეობს.
უკრაინული მედიის ინფორმაციით, მომიტინგეები უკრაინის პრეზიდენტ პეტრო პოროშენკოს იმპიჩმენტს, გენერალური პროკურორის იური ლუცენკოს გადადგომას და ანტიკორუფციული სასამართლოს შექმნასა და ახალი საარჩევნო კანონის მიღებას მოითხოვენ.
მომიტინგეები საკუთარი მოთხოვნების გადაცემას პოროშენკოსთვის პირადად აპირებდნენ. მათი ვარაუდით, იგი ტრადიციულად ადგილობრივი დროით 12 საათისთვის მივიდოდა კობზარის ძეგლთან პოეტის დაბადების დღესთან დაკავშირებით, თუმცა იგი ძეგლთან არ გამოჩენილა. გავრცელდა ინფორმაცია,რომ პოროშენკო გაერიდა კიევს და კანევში გაფრინდა, . ამიტომ მიტინგი მის გარეშე დაიწყო.
ძეგლის მიმდებარე ტერიტორია დილიდან პოლიციელების კორდონებითაა გარშემორტყმული, შეჩერებულია ახლომდებარე მეტროსადგურების მუშაობა, მოხსნილია საქალაქო ტრანსპორტის რეისები.
უკრაინის ეროვნული პოლიციის განცხადებით, კიევის ცენტრში 500-ზე მეტი სამართალდამცავია მობილიზებული. პარკის ოთხივე მხარეს დაყენებულია ლითონის საძებნი ჩარჩოები, სახელმწიფო დაცვის დეპარტამენტის თანამშრომლები პარკში სესვლის ყველა მსურველისაგან საბუთების წარდგენას მოითხოვე.ნ
თავდაპირველად უშუალოდ ძეგლიც სამართალდამცავი ორგანოების წარმომადგენლებით იყო გარშემორტყმული, მაგრამ ორმოცმა მომიტინგემ თავგანწირვით გაარღვია კორდონი, მათ 500 – მდე მოქალაქე მიყვა, ხალხის რაოდენობა სულ უფრო მატულობს.
შეკრებილებმა უკვე დაიწყეს მიმართვები შეკრებილი თანამოაზრეებისადმი. განსაკუთრებით აქტიურობენ ,,ატო'' – ს მებრძოლები, რომელთაც პოროშენკოს რეჟიმი ამ დღეებში გაუგონარი სისასტიკითა და თავხედობით მოექცა.
გამომსვლელები მოუწოდებენ ხალხს არ დაივიწყონ და არ შეარჩინონ პოროშენკოს და მის მიერ გამოგზავნილ ,,ბერკუტელებს'' უმაღლეს რადასათან გამართული აქციის დარბევა და მონაწილეთა მუხლებზე დაჩოქება. ისინი პარალელებს ავლენებენ ამ მოვლენასა და ევრომაიდანზე, ილოვაისკოეზე განვითარებულ მოვლენებს შორის , გაისმის მოწოდებები არ დაუშვან, რომ უკრაინა ,,ბარიგების ხელისუფლებამ'' დაისაკუთროს .