სარფის საბაჟო გამშვებ პუნქტზე, თურქეთის მხარეს მსუბუქი ავტომობილების გადაადგილება შეფერხებულია

0
394
სარფის საბაჟო გამშვებ პუნქტზე მოძრაობა აღდგა, თუმცა თურქეთის მხარეს მსუბუქი ავტომობილები შეფერხებით გადაადგილდებიან. "სარფის საბაჟო გამშვებ პუნქტზე მოძრაობა ორივე მიმართულებით აღდგენილია, თუმცა თურქეთის მხარეს ჯერჯერობით შეფერხებით ხორციელდება გადაადგილება. მიზეზი ელექტრონულ სისტემაში არსებული ხარვეზია. შეფერხებით მსუბუქი სატრანსპორტო საშუალებები მოძრაობენ. მგზავრებს და დიდ სატრანსპორტო საშუალებებს თავისუფლად შეუძლიათ გადაადგილება. თურქული მხარე მხოლოდ თურქული სანომრე ნიშნით ავტომობილებს ატარებენ. ამბობენ, რომ ხარვეზი მალე აღმოიფხვრება",- აცხადებს  შემოსავლების სამსახურის საზოგადოებასთან ურთიერთობის სამსახურის უფროსი ხატია მოისწრაფიშვილი.
გუშინ, დაახლოებით, 17:00 საათიდან, თურქეთის რესპუბლიკის საბაჟო-გამშვებ პუნქტზე „სარფი“ გათიშული იყო საპოლიციო კონტროლის ელექტრონული სისტემა, რის გამოც მოძრაობა სრულად შეჩერებული იყო ორივე მიმართულებით.
წინა სტატიადღეს მსოფლიოში ქალთა საერთაშორისო დღე აღინიშნება.
შემდეგი სტატიამეუფე გრიგოლი მეორე მღვდელმთავარია ჭყონდიდის მიტროპოლიტის, მეუფე პეტრე ცაავას შემდეგ, რომელმაც ღიად თქვა, რომ დეკანოზი მამალაძე მსხვერპლია
ტელეკომპანია ოდიშის საინფორმაციო სამსახური