ციხიდან გათავისუფლების შემდეგ ირაკლი ჩხვირკია საკუთარი უდანაშაულობის დასამტკიცებლად ემზადება. მისი თქმით, მან 11 თვე პატიმრობაში სრულიად უკანონოდ გატარა, რის გამოც აჭარის პროკურატურის და რამდენიმე გამომძიებლის წინააღმდეგ საჩივრის შეტანას აპირებს. ბათუმის მოვლენებზე მსჯავრდებულებმა ირაკლი ჩხვირკიამ და მერაბ ღოღობერიძემ საპატიმრო გუშინ პირობით ვადაზე ადრე გათავისუფლების კომისიის დასკვნის საფუძველზე დატოვეს.