ბიბლიოთეკების მართვის ცენტრის დირექტორი მადონა მაქაცარია სამკითხველო დარბაზის ყოფილი მთავარი სპეციალისტის ზეინაბ მორგოშიას პოლიტიკური ნიშნით გათავისუფლებას უარყოფს და ამბობს, რომ მას ხელშეკრულება იმიტომ არ გაუგრძელა, რომ რეორგანიზაციამდე წერილით მიმართა ქალაქის მერს სიტუაციის გასარკვევად. „ზეინაბ მორგოშია მოვიდა და მითხრა ავიყვანდი თუ არა სამსახურში, რადგან ის იყო ალიოშა ალკანიას მეუღლე, რომ ვკითხე, ვინ არის -მეწთქი, მითხრა დავითიანის გამგებელი იყოო და გაგონილი მქონდა ეს ამბავი პრესიდან, მეტი არც ვიცნობდი. ვუთხარი რომ მსგავს რამ ჩემი მხრიდან არ მოხდებოდა და რომ არ დამვიწყებოდა მისი სახელი ჩავინიშნე, თვითონაც ხედავდა. ამის შემდეგ 26 იანვარს, ერთი კვირის შემდეგ განცხადება გაუგზავნა ლაშა გოგიას, სადაც ითხოვდა პასუხს, თუ რატომ არ გავუგრძელეთ ხელშეკრულება, როცა თანამშრომლების აყვანა დაწყებულიც არ იყო. სწორედ ამის გამო აგარ გავუგრძელეთ ხელშეკრულება. სხვა მიზეზი არ ყოფილა, არც ლაშა გოგიას, არც მაიზერ ნანავას და არც მამუკა წოწერიას ჩემთან ამაზე საუბარიც კი არ ქონიათ, რატომ მიჩივი შედალოცვილო მაშინ, როცა არ არის არავინ დანიშნული და რეორგანიზაცია არ დასრულებულა? მე მას საერთოდ არ ვიცნობდი და წინასწარ რატომ მაფრთხილებდა? რატომ მიჩივლა?- განაცხადა მადონა მაქაცარიამ.