ხელფასებისთვის ბრძოლა ჯერ ბორჯომში, დღეს ბაკურიანში, ვისი ჯერია ხვალ?

0
468
ბაკურიანის გამგეობასთან ამ წუთებში ხმაურია. ცოტა ხნის წინ გამგეობასთან „ნაციონალური მოძრაობის“ წევრები მივიდნენ, რომლებმაც ბაკურიანის გამგებელს მოსთხოვეს, უარი თქვას ხელფასის გაორმაგებაზე. ამის შესახებ სააგენტო "ინტერპრესნიუსი" წერს.
 
„ხელი აიღეთ ბიუჯეტის ხარჯზე ხელფასის გაორმაგებაზე. ერთადერთი ეგ მინდა. თქვი ხელფასის გაორმაგებაზე უარი და კაციშვილი არ შეგაწუხებს. ბიუჯეტს გაეშვი“, – მიმართა „ნაციონალური მოძრაობის“ წევრმა ლევან ხაბეიშვილმა ბაკურიანის გამგებელს.
 
გამგეობასთან საპატრულო პოლიციაა მობილიზებული.
 
„ერთიანი ნაციონალური მოძრაობის“ წევრი ლევან ხაბეიშვილი აცხადებს, რომ ბაკურიანში მერის წარმომადგენელს გოჩა გობრონიძეს დაბაში საკუთარი სასტუმრო და ბიზნესი აქვს, ამიტომ მას არ აქვს უფლება, რომ საკრებულოს ხელფასის მომატებას სთხოვდეს.
 
პირველ მარტს, ბორჯომის მუნიციპალიტეტის ადმინისტრაციულ შენობასთან პოლიციის დამატებითი რაზმები იყო მობილიზებული. ვითარება აქ 28 თებერვალს, დღის მეორე ნახევარში გართულდა.  სახელისუფლო პარტიას, ოპოზიციასა და მერიის თანამშრომლებს შორის რამდენჯერმე ფიზიკური დაპირისპირებაც მოხდა.
 
დაპირისპირების მიზეზი მერიის თანამდებობის პირებისა და მოხელეების თანამდებობრივი სარგოებია, რომელსაც საკრებულო არ ამტკიცებს.
 
ფაქტზე უკვე აღძრულია სისხლის სამართლის საქმე. ბორჯომის საკრებულოში უმრავლესობას ოპოზიცია წარმოადგენს და “ქართული ოცნება” უმცირესობაშია, ხოლო მუნიციპალიტეტის მერი “ქართული ოცნების” წევრია.
წინა სტატიაგაისვრის თუ არა აკა მორჩილაძის ,,ობოლე” კანში?
შემდეგი სტატიაგადაცემა ,,თეზისი”. სტუმარი – პოეტი ანდრო დადიანი.
ტელეკომპანია ოდიშის საინფორმაციო სამსახური