„ახალი ძალების მოძრაობის“ ლიდერი მიხეილ სააკაშვილი პეტრო პოროშენკოს, არსენ ავაკოვის და იური ლუცენკოს გადადგომის მოთხოვნით 18 მარტს სრულიად უკრაინის სამშვიდობო მარშს აანონსებს. აღნიშნულ მოთხოვნას მიხეილ სააკაშვილი ფეისბუქის საკუთარ გვერდზე ავრცელებს. სააკაშვილი არჩევნების დაუყოვნებლივ გამართვას მოითხოვს.
3 მარტს პოლიცია „კარვების ქალაქში“ საგამოძიებო ქმედებებისა და ჩხრეკის ჩასატარებლად მივიდა, რამაც მხარეებს შორის დაპირისპირება გამოიწვია. მომიტინგეებსა და სამართალდამცველებს შორის შეტაკებების დროს დაკავებულთა რიცხვმა 100-ს გადააჭარბა.