ზუგდიდში მანქანას ყველგან ვეღარ დაააყენებთ – ადმინისტრაციული ჯარიმა ყველა მუნიციპალიტეტში იმოქმედებს

0
412
 
პარკირების წესების დარღვევის შემთხვევებზე ადმინისტრაციული ჯარიმა, რომელიც ამჟამად მხოლოდ თბილისსა და ბათუმში მოქმედებს, ყველა მუნიციპალიტეტზე გავრცელდება. 
 
პარკირების წესების დარღვევასთან დაკავშირებული სამართალდარღვევის მუნიციპალიტეტებზე გავრცელების თაობაზე ცვლილებები “ადმინისტრაციულ სამართალდარღვევათა კოდექსში“ შედის, რომელიც დეპუტატებმა – ზაზა გაბუნიამ, მერაბ ქვარაიამ, გოგა გულორდავამ და ირაკლი მეზურნიშვილმა მოამზადეს. 
 
პროექტის მიხედვით, ავტოსტრანსპორტო საშუალებების პარკირებისათვის მუნიციპალიტეტის საკრებულოს მიერ დადგენილი საფასურის გადახდის გარეშე პარკირების ადგილას დგომა (გარდა იმ შემთხვევისა, თუ მუნიციპალიტეტს საფასური დადგენილი არა აქვს), გამოიწვევს დაჯარიმებას 10 ლარის ოდენობით.
 
ამასთანავე, იმ ავტოსატრანსპორტო საშუალებას, რომელიც მუნიციპალიტეტის ადმინისტრაციულ საზღვრებში პარკირების ადგილას 12-საათზე მეტი დროით დგას, მუნიციპალიტეტის აღმასრულებელი ორგანო ან მის მიერ უფლებამოსილი პირი გადაიყვანს სპეციალურ დაცულ სადგომზე, თუ ამის თაობაზე მინიშნება ახლავს პარკირების ნიშანს. 
 
ტრანსპორტირებისა და სადგომზე შენახვის ხარჯები, ჯარიმასთან ერთად, დამრღვევ მძღოლს ან ავტოსატრანსპორტო საშუალების მესაკუთრეს დაეკისრება.
.
წინა სტატიასვანეთის გზაზე, ენგურჰესთან დიდი ოდენობით მიწა-კლდის მასა ჩამოწვა, ავტოტრანსპორტის გადაადგილება შეფერხებულია
შემდეგი სტატია,,რეზოლუცია არ უნდა იყოს კიდევ ერთი ფარატინა ქაღალდი” – ენმ „ქართული ოცნებისა“ და „ევროპული საქართველოს“ რეზოლუციებს ეხმაურება
ტელეკომპანია ოდიშის საინფორმაციო სამსახური