უკრაინის საკასაციო ადმინისტრატიულ სასამართლოში მიხეილ სააკაშვილის სარჩელის განხილვა მიმდინარეობს

0
386
უკრაინის უზენაესი სასამართლოს საკასაციო ადმინისტრატიულმა სასამართლომ დღეს განაგრძო მიხეილ სააკაშვილის სარჩელის განხილვა მისთვის მოქალაქეობის ჩამორთმევის განკარგულების არაკანონიერად ცნობის თაობაზე.
 
დარბაზში იმყოფებიან სააკაშვილის ადვოკატები. ასევე უკრაინის პრეზიდენტის ადმინისტრაციის წარმომადგენელი, რომელიც აღნიშნულ საქმეზე მოპასუხის სტატუსით იმყოფება.
 

საქართველოს ყოფილი პრეზიდენტის, მიხეილ სააკაშვილის ადვოკატები უკრაინის უზენაეს სასამართლოს ქვეყნის პრეზიდენტის, პეტრო პოროშენკოს დაკითხვის მოთხოვნით მიმართავენ. ამის შესახებ მიხეილ სააკაშვილის ადვოკატმა რუსლან ჩერნოლუცკიმ განაცხადა.
 
საქმე ეხება უკრაინის პრეზიდენტის პეტრო პოროშენკოს განკარგულებას, რომლის თანახმად, მიხეილ სააკაშვილს უკრაინის მოქალაქეობა ჩამოერთვა. 
 
„ჩვენ შუამდგომლობით გამოვალთ, რომ უკრაინის პრეზიდენტი მოწმის სახით დაიკითხოს, რათა განმარტოს მიხეილ სააკაშვილისთვის მოქალაქეობის მინიჭებისა და ჩამორთმევის საფუძვლები“, – აღნიშნა ადვოკატმა. 
 
რუსლან ჩერნოლუცკის განმარტებით, თუ პეტრო პოროშენკოს დაკითხვა სასამართლოში ვერ მოხერხდება, მაშინ განხილული იქნება მისი ვიდეოკონფერენციის რეჟიმში დაკითხვის შესაძლებლობა. 
 
წინა სტატია1-ელ ნოემბრამდე პირადობის მოწმობის აღება მოქალაქეთა გარკვეულ კატეგორიას უფასოდ შეეძლება
შემდეგი სტატიადაპირისპირება მოქალაქეებსა და ადგილობრივ ხელისუფლებას შორის ზუგდიდის მუნიციპალიტეტის საკრებულოს დღევანდელ სხდომაზე [Video]
ტელეკომპანია ოდიშის საინფორმაციო სამსახური