დღეს დილით ზუგდიდი-ჯვარი-მესტია-ლასდილის გზის 33-ე კმ. მონაკვეთზე, ენგურჰესთან, დიდი ოდენობით მიწა-კლდის მასა ჩამოწვა, რის გამოც შეფერხდა ყველა სახის ავტოტრანსპორტის გადაადგილება
.საავტომობილო გზების დეპარტამენტის ცნობით, ამ დროისათვის გზის ამ მონაკვეთზე მსუბუქი ავტოტრანსპორტის მოძრაობა ცალმხრივად აღდგა, თუმცა სხვა შეზღუდვები ძალაში რჩება.
,, ზუგდიდი ხაიშის მონაკვეთზე დიდი ოდენობით მიწა-კლდის ზვავია ჩამოშლილი, ინტენსიურად მიმდინარეობს გაწმენდითი სამუშაოები, ველოდებით დღის განმავლობაში მოძრაობის აღდგენას ორმხრივ რეჟიმში“- აცხადებს საქართველოს საავტომობილო გზების დეპარტამენტის თავმჯდომარის მოადგილე, ტექნიკური მდივანი ნუგზარ გასვიანი.
შეზღუდვებია გუდაური-კობის საავტომობილო გზაზეც – აქ მისაბმელიანი და ნახევრადმისაბმელიანი ავტოტრანსპორტის მოძრაობა იკრძალება
,,რთული მეტეოროლოგიური პირობების გამო აკრძალულაი მისაბმელიანი ე.წ ტრაილერების გადაადგილება გუდაური-კობის მონაკვეთზე, უმოკლეს დროში იქნება ჩატარებული გაწმენდითი სამუშაოები.'' აცხადებენ საავტომობილო გზების დეპარტამენტში.