საზღვრის უკანონო კვეთის ბრალდებით საოკუპაციო ხაზთან დაკავებული მალხაზ წურწუმიას ოჯახი დახმარებას ხელისუფლებისგან ითხოვს.დაკავებულის ოჯახის წევრების ინფორმაციით შემთხვევა 22 თებერვალს მოხდა. ახლობლების ინფორმაციით, ის ე.წ. გამშვებ პუნქტთან ნასვამ მდგომარეობაში მივიდა, რა დროსაც დააკავეს. დაკავებული ოჯახს ე.წ. მესაზღვრის ტელეფონით დაუკავშირდა. აფხაზეთის დე ფაქტო რესპუბლიკის სამართალდამცავებს ე.წ. საზღვრის უკანონო კვეთის ბრალდებით დაკავებული ზუგდიდელი მალხაზ წურწუმიას საქმის გამოძიება დაწყებული აქვთ. წურწუმიას გათავისუფლების საკითხი ქართულმა მხარემ 27 თებერვალს გალში გამართულ შეხვედრაზე მოითხოვა. სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე კახაბერ ქემოკლიძემ შეხვედრის დასრულების შემდეგ ჟურნალისტებს განუცხადა, რომ შესაძლოა დაკავებულმა უახლოეს პერიოდში დატოვოს გალის იზოლატორი.
საოკუპაციო ხაზთან დაკავებული მალხაზ წურწუმიას ოჯახი დახმარებას ხელისუფლებისგან ითხოვს
Published on