მედიკამენტებზე ხელმისაწვდომობის პროგრამა ფართოვდება

ზაფხულიდან პენსიონერებმა გარკვეული სახის მედიკამენტები, მათ შორის წნევის მარეგულირებელი წამლები, შესაძლოა მინიმალურ ფასად შეიძინონ. მოლაპარაკებებს ჯანდაცვის სამინისტრო მედიკამენტების მწარმოებელ ქართულ და უცხოურ კომპანიებთან უკვე აწარმოებს. დღეს ამ საკითხზე რიგით მეორე სამუშაო შეხვედრა ჯანდაცვის სამინისტროში გაიმართა.საუბარია ოთხი ქრონიკული დაავადების პრეპარატზე, მათ შორის გულსისხლძარღვთა, ფარისებრი ჯირკვლების, დიაბეტის ფორმა ნომერი ორის და ფილტვის დაავადების სამკურნალო საშუალებებზე.ამჟამად, ამ დაავადებების სამკურნალო 23 სახეობის პრეპარატის შეძენა 100 000 და მასზე დაბალი სარეიტინგო ქულის მქონე სოციალურად დაუცველ მოქალაქეებს, სიმბოლურ ფასად, 1 ლარად შუძლიათ.ინიციატივის განხორციელების შემთხვევაში კი ბენეფიციართა წრე გაფართოვდება და მას პენსიონერებიც დაემატებიან. იგეგმება 23 სახეობის მედიკამენტის რაოდენობის 50-მდე გაზრდაც. პროგრამაში ჩართვა ყველა კომპანიისთვის სასურველი იქნება, თუმცა არა სავალდებულო. მედიკამენტები რეცეპტით გაიცემა და პროცესზე მონიტორინგი შესრულდება. მედიკამენტების შეძენა კი ყველა სააფთიაქო ქსელში იქნება შესაძლებელი.სტრუქტურირებული ხედვა იმ პლატფორმის შესახებ, რომელიც უნდა შეიქმნას სახელმწიფოსა და კერძო კომპანიებს შორის PSP ჯგუფმა წარმოადგინა.ჯანდაცვის მინისტრი და მედიკამენტების მწარმოებლები 8 თებერვალს მედიკამენტების ხელმისაწვდომობის გაზრდის მიზნით სახელმწიფო, კერძო პარტნიორობის გაფართოებაზე შეთანხმდნენ.1 ივლისიდან ეგრეთ წოდებული უფასო წამლების პროგრამა ამოქმედდა. სააფთიაქო ქსელში უკვე 23 დასახელების ასეთი მედიკამენტია.

მედიკამენტებზე ხელმისაწვდომობის პროგრამა ფართოვდება

სიახლეები

ეროვნული ბანკის მმართველო საბჭოს წევრის, ნანა ყეინიშვილის წინააღმდეგ ახალი გამოძიება დაიწყო

ევროპარლამენტმა საქართველოს შესახებ კრიტიკული რეზოლუცია მიიღო

სეს-მა დიდუბის მეტროსთან მდებარე რამდენიმე საზოგადოებრივ კვების ობიექტს საწარმოო პროცესი შეუჩერა

პროპაგანდისტულმა „იმედმა“, „რუსთავი 2“-მა, POSTV-იმ და „მაესტრომ“ 2025 წელი ჯამში, 75.97 მილიონი ლარის ზარალით დაასრულეს