ზუგდიდის რაიონულმა სასამართლომ ბექა რუსიას საქმეზე ბრალდებულ დავით ჯალაღანიას 3 წლით თავისუფლების აღვეთა მიუსაჯა

0
550
მუჟავას საგუშაგოზე, მოკლული ბექა რუსიას საქმეზე ბრალდებული დავით ჯალაღანია ზუგდიდის რაიონულმა სასამართლომ დამნაშავედ ცნო და 3 წლით თავისუფლების აღვეთა მიუსაჯა.დღევანდელ სასამართლო პროცესზე მხარეებმა და საქმის პროკურორმა დავით პაპავამ დასკვნითი სიტყვა თქვეს. პროკურორმა ითხოვდა ბრალდებულისთვის გამამტყუნებელი განაჩენის გამოტანასა და სასჯელის ზომად თავისუფლების აღკვეთას.დაცვის მხარეს კი მოსამართლეს მიმართა, გაეთვალისწინებინა ყველა შემამსუბუქებელი გარემოება და და ბრალდებულისთვის არა თავისუფლების აღკვეთას, არამედ სრული ან ნაწილობრივ პირობით სასჯელს ითხოვდა.თავად ბრალდებულმა სასამართლო პროცესზე საბოლოო სიტყვის თქმა არ ისურვა. გამოძიების ვერსიით, განსაკუთრებულ დავალებათა დეპარტამენტის მეორე სამმართველოს ჯარისკაცი, 26 ოქტომბერს სოფელ მუჟავაში სამსახურეობრივი მოვალეობის შესრულების დროს, თანმხლები მესაზღვრე პირის ტყვიამ იმსხვერპლა.გამოძიების ინფორმაციით, მას დავით ჯალაღანიას მიერ საგუშაგოს უფროსის ალექსანდრე კვიჟინაძისს ტაბელური იარაღიდან გასროლილი ტყვია მოხვდა. საქმე სიცოცხლის გაუფრთხილებლობით მოსპობის მუხლით იყო აღძრული.ბექა რუსიას ოჯახი განაჩენს არ ეთანხმება და საქმის ხელახლა გამოძიებას ითხოვს. ამასთან, ისინი საგუშაგოს ხელმძღვანელი პირების, მათ შორის, უფროსის ალექსანდრე კვიჟინაძის მიმართ გამოძიების დაწყებას ითხოვს, რადგან მისი იარაღიდან გაისროლეს.ოჯახს მიაჩნია, რომ ბექა რუსია მიზანმიმართულად მოკლეს და ეს უკავშირდება მისი მიერ რუსი ეროვნების მოქალაქის კონტრაბანდის მიზნით დაკავებას. გარდაცვლილის დედა იზა რუსია ამბობს, რომ ბექა რუსიამ დაკავებული პირი ხელმძღვანელობას გადასცა და მას შემდეგ დაიძაბა მათ შორის ურთიერთობა. შსს განსაკუთრებული დავალებათა დეპარტამენტის წვევამდელი ბექა რუსია 2017 წლის 26 ოქტომბერს წალენჯიხის მუნიციპალიტეტის სოფელ მუჟავაში, ერთ-ერთ საგუშაგოზე დაიღუპა.
წინა სტატიაპოლიტიკოსი და ლიდერთა სკოლის დამფუძნებელი გია მაისაშვილი გარდაიცვალა.
შემდეგი სტატიაიერუსალიმში, მაცხოვრის აღდგომის ტაძარი პროტესტის ნიშნად დაიხურა
ტელეკომპანია ოდიშის საინფორმაციო სამსახური