ზუგდიდის მუნიციპალიტეტის სოფელი რიყის მოსახლეობა, სოფლის საძოვრების გასხვისებას აპროტესტებს და აქციებს მართავს.ადგილობრივები ამბობენ, რომ საძოვრები 50 წლიანი იჯარით რუსეთის მოქალაქე მანანა პოტიომკინაზეა გაცემული.მეპატრონემ კი ტერიტორიის შემოღობვა დაიწყო და ფაქტიურად სოფელი საძოვრების გარეშე დარჩა
.აქციის მონაწილეების თქმით,იჯარით გაცემული მიწის ნაწილში მოექცა სოფლის სტადიონი და სასაფლაომდე მისასვლელი გზა.სოფლის მოსახლეობა ტერიტორიის მწვანე საფარის განადგურებასაც აპროტესტებს,ადგილობრივები ამბობენ, რომ მიწის მფლობელმა მთლიანად მოჭრა წიწვოვანი ხეები.
აქციის მონაწილეები ეჭვობენ, რომ პოტიომკინას ხელისუფლების მაღალჩინოსნები მფარველობენ. ადგილობრივებმა საძოვრების გასხვისება რამდენჯერმე გააპროტესტეს, თუმცა როგორც ამბობენ, მათი პრობლემით ადგილობრივი ხელისუფლება არ დაინტერესებულა. რიყის მოსახლეობა აცხადებს, რომ მათი ერთადერთი შემოსავლის წყარო მსხვილფეხა საქონელია, საძოვრების გარეშე დარჩენილი სოფელში კი გლეხს თავის რჩენა გაუჭირდება, ტერიტორია მალე დაიცლება და სოფელი ნასახლარი გახდება
