ბიბლიოთეკარებს, სამსახურის შენარჩუნებისთვის, გამოცდების ჩაბარება მოუწევთ

0
453
ბიბლიოთეკებში სტანდარტებთან შეუსაბამო სიტუაციაა და არსებობს გარკვეული პრობლემები, მათ შორის ინფრასტრუქტურული, რის გამოც თბილისის მერიაში დაფუძნებული ახალი აიპი მულტიმედიური ფუნქციით დატვირთული, მაღალი სტანდარტის ბიბლიოთეკების შექმნას გეგმავს. ასევე განახლდება წიგნების ფონდიც.ამის შესახებ თბილისის მერის მოადგილემ სოფო ხუნწარიამ განაცხადა.ინფორმციით, ბიბლიოთეკების თანამშრომლები ერთთვიანი გადამზადების კურსს გაივლიან და ამის შემდეგ ტესტირება ჩატარდება. სამუშაოს შეინარჩუნებს ის, ვინც გამოცდებს ჩააბარებს. 
 
თანამშრომელთა გადამზადება ორ კვირაში დაიწყება. თბილისიში არსებული ბიბლიოთეკები კულტურის სამინისტროს სიპია და წლებია მათ მერია აფინანსებს, ამიტომ უწყება სამართლებრივი პრობლემის გამოსწორებასაც გეგმავს და ბიბლიოთეკების თბილისის ახლადშექმნილ აიპიში გადატანას. ამ საკითხთან დაკავშირებით სოფო ხუნწარია დღეს ბიბლიოთეკის თანამშრომლებსაც შეხვდება.ბიბლიოთეკების დახურვის საფრთხეს ხედავენ ბიბლიოთეკის თანამშრომლები. მათი ინფორმაციით, მერია ქალაქში არსებული 36 ბიბლიოთეკიდან მხოლოდ 10-ის დატოვებას და თანამშრომლების გაშვებას გეგმავს.იმოქმედებს თუარა ეს გავლენას რეგიონის ბიბლიოთეკებზე, ჯერჯერობით უცნობია
წინა სტატიამიხეილ სააკაშვილს უკრაინაში შესვლა 2021 წლამდე აეკრძალა
შემდეგი სტატიანორვეგიაში ბრეივიკის მოწყობილ ტერაქტზე პირველი ფილმი გადაიღეს
ტელეკომპანია ოდიშის საინფორმაციო სამსახური