გუშინ სააგენტო "როიტერმა“ მაღალი რანგის ევროპელი დიპლომატის განცხადებაზე დაყრდნობით გაავრცელა ინფორმაცია უკრაინასა და ევროკავშირის ქვეყნებს შორის საზღვარზე საკონტროლო გამშვები პუნქტების მოდერნიზაციის პროგრამის შეჩერების შესახებ.
პრეზიდენტი მიხეილ სააკაშვილი ამ ფაქტს უკრაინის ხელისუფლებაში არსებულ კორუფციას უკავშირებს. ამის შესახებ მან ტელეკომპანია "news one""-ის ეთერში განაცხადა.
"დღეს, ხელისუფლებაში არსებულმა კორუფციამ მორიგი შედეგი გამოიღო. ევროკავშირმა შეაჩერა პროექტი უკრაინასა და ევროკავშირის ქვეყნებს შორის სასაზღვრო პუნქტის მოდერნიზაციასთან დაკავშირებით. პროექტი, რომელსაც უნდა გაემარტივებინა უკრაინის ევროპასთან ურთიერთობა. უკრაინას შეუწყვიტეს ფინანსური დახმარებები საერთაშორისო ორგანიზაციებმა, ევროპა ხურავს პროექტებს. ჩვენ უნდა მივაღწიოთ იმას რომ დაისაჯოს არა უკრაინელი ხალხი, რადგან ქვეყანას ევროკავშირთან უვიზო რეჟიმის გაუქმება ემუქრება, არამედ დაისაჯონ პოროშენკო და ის ადამიანები რომლებიც ქვეყანას ძარცვავენ,“-განაცხადა სააკაშვილმა.