იან კელი: ,,თუ თქვენ არ განსაზღვრავთ ნარატივს თქვენი ქვეყნისთვის, ვინმე სხვა ჩრდილოეთისკენ განსაზღვრავს მას”

0
493
მნიშვნელოვანია, რომ საქართველომ სტრატეგიული გეგმა გამოიმუშაოს კომუნიკაციისთვის როგორც საქართველოს შიგნით, ასევე საქართველოს გარეთ, – ამის შესახებ საქართველოში აშშ-ს ელჩმა იან კელიმ სტრატეგიული კომუნიკაციების საკითხებზე ტრენინგების ციკლის გახსნისას განაცხადა. 
 
„ჩვენს ინტერესებში შედის, რომ თქვენ უფრო და უფრო დაუახლოვდეთ დასავლეთს, რომ თქვენ ნატო-ს, ევროკავშირს შეუერთდეთ. შესაბამისად, ძალიან მნიშვნელოვანია, რომ თქვენ საზოგადოების მხარდაჭერა გქონდეთ, რომ მკაფიო მესიჯები გაგაჩნდეთ, რომ თქვენს ხალხს ესმოდეს, თუ რატომ შედის თქვენს ინტერესებში დასავლურ და არა ჩრდილოეთ საზოგადოებაში გაერთიანება“, – განაცხადა იან კელიმ.
 
აშშ-ს ელჩის განცხადებით, ეს მესიჯები მკაფიოდ უნდა იყოს გაჟღერებული, რათა ხალხი მის არსს ჩაწვდეს.
 
„ეს მესიჯები ისე უნდა გააჟღეროთ, რომ ხალხს ის ესმოდეს. უნდა მოქმედებდეთ პრინციპით, ერთი გუნდი, ერთი მისია, ერთი მესიჯი. ეს მნიშვნელოვანია, ვინაიდან თქვენ უნდა განსაზღვროთ ნარატივი თქვენი ქვეყნისთვის. თუ თქვენ არ განსაზღვრავთ, ვინმე სხვა ჩრდილოეთისკენ განსაზღვრავს მას თქვენთვის ან დააფინანსებს მავნე ძალებს ქართულ საზოგადოებაში, რათა განსხვავებული ნარატივი განსაზღვრონ, რომელიც თქვენს ინტერესებში არ შედის“, – დასძინა მან.
 
წინა სტატია29 წლის მარტოხელა, ორი შვილის დედა, მძიმე სენს ებრძვის, დავეხმაროთ მას
შემდეგი სტატიამარტვილის სოფელ ვედიდკარში 10-ზე მეტი ასწლოვანი ხეა მოჭრილი, მოსახლეობა პროტესტს გამოთქვამს
ტელეკომპანია ოდიშის საინფორმაციო სამსახური