დღეს ღამით და ხვალ დილის საათებშიც დასავლეთ საქართველოს, ღამით უმეტეს და დღისით ზოგიერთ რაიონში ნავარაუდევია წვიმა, მაღალ მთაში კი თოვლი. ჰაერის ტემპერატურა დაბლობ რაიონებში იქნება ღამით +3 +8, დღისით +8 +13 გრადუსი.
წვიმაა ნავარაუდევი აღმოსავლეთ საქართველოშიც.- ჰაერის ტემპერატურა ბარში ღამით +1 +6, დღისით +7 +12 გრადუსი იქნება.
თბილისში დღეს დროგამოშვებით იწვიმებს, ჰაერის მაქსიმალური ტემპერატურა კი +10 გრადუსი იქნება, – ამის შესახებ „ინტერპრესნიუსს“ სინოპტიკოსმა ლია კაკიაშვილმა განუცხადა.
რაც შეეხება მომდევნო დღეების ამინდის პროგნოზს, სინოპტიკოსების ინფორმაციით, არამდგრადი ამინდი შენარჩუნდება, ზოგიერთ რაიონში მოსალოდნელია წვიმა, ჰაერის ტემპერატურის მნიშვნელოვნად მომატება ან დაკლება კი არ არის ნავარაუდები.