ზუგდიდში მძღოლების აქცია სავაჭრო ცენტრ „ალიანსთან“ დასრულდა. აქციის მონაწილე მძღოლები ავტოსადგურ „ექსპრესის 777“ დირექტორს სიტყვიერად დაუპირისპირდნენ და მას სადგურის დახურვა მოსთხოვეს. სადგურის დირექტორმა რამდენიმე მათგანი საკუთარ კაბინეტში დაიბარა. შეხვედრიდან გამოსულებმა კი განაცხადეს, რომ აქცია დროებით დასრულდებოდა.

 

„დღეს ვწყვეტთ აქციას და ვნახოთ, რას გადაწყვეტს შპს „ექსპრესის 777“ დირექტორი. არ სჭირდება ამდენი სადგური ზუგდიდს – დახუროს ეს სადგური და გადმოიყვანოს ძველ სადგურზე თავისი „მარშუტკები“.  კლიენტებს გვართმევენ და მუშაობის საშულებას არ გვაძლევენ, ჯერ ერთი ტროტუარზე სადგურის გაკეთება ვის გაუგია?!“, – აცხადებენ აქციის მონაწილეები.

 

ისინი სადგურების მოწყობის ლობირებაში მერიის სატრანსპორტო განყოფილების წარმომადგენელს, დავით ხუბუას ადანაშაულებენ. თავის მხრივ, ხუბუა ამბობს, რომ მერიას ამ ტერიტოირაზე სადგურის მოსაწყობად ნებართვა არ გაუცია და ეს მათ კომპეტენციას სცილდება.

 

„საქალაქთაშორისო ტრანსპორტის სადგურის მოწყობა ჩვენ არ გვეხება. ეს საავტომობილო გზების დეპარტამენტის საქმეა და შეგიძლიათ მათთან გაარკვიოთ, რა ნებართვა გასცეს და აქვთ თუ არა ამ ტერიტორიაზე მუშაობის უფლება“, – აღნიშნა ხუბუამ.

აქციის მონაწილეებმა საკუთარ სამუშაო ადგილზე, რკინიგზის სადგურისკენ გადაინაცველს.