მსხვერპლით დასრულდა დღეს მომხდარი ავტოსაგზაო შემთხვევა სენაკის მუნიციპალიტეტის სოფელ თეკლათში.
ავარიის შედეგად მამაკაცი გარდაიცვალა, ექვსი კი დაშავდა. ისინი საავადმყოფოში არიან გადაყვანილები.
ავტოსაგზაო შემთხვევის გამომწვევ მიზეზებს გამოძიება დაადგენს.
შინაგან საქმეთა სამინისტროს ცნობით, გამოძიება მიმდინარეობს სისხლის სამართლის კოდექსის 276-ე მუხლის მეხუთე ნაწილით, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ადამიანის გარდაცვალება გამოიწვია.