ისრაელის პარლამენტმა მხარი არ დაუჭირა ოსმალეთის იმპერიაში „სომხების გენოციდის აღიარების კანონპროექტს“. ამის შესახებ ინფორმაციას გამოცემა Armenianweekly ავრცელებს.
ქნესეთში კანონპროექტი პარტია „იეშ ატიდმა“ წარადგინა.
პარტიის ლიდერის, იაირ ლაპიდის განცხადებით, არ არსებობს მიზეზი, რატომ არ უნდა დაუჭიროს მხარი ისრაელის პარლამენტმა გენოციდის აღიარების კანონპროექტს, მით უმეტეს, რომ პარლამენტი იმ ხალხმა აირჩია, რომელმაც ჰოლოკოსტი გამოიარა.
ისრაელის საგარეო საქმეთა მინისტრის მოდგილე, ციპი ხოტოველი ამბობს, რომ საკითხის სირთულიდან და სავარაუდო დიპლომატიური შედეგებიდან გამომდინარე, ისრაელი აღნიშნული საკითხის მიმართ ოფიციალურ პოზიციას არ დაიკავებს.
პარლამენტის სპიკერმა, იული ედელშტეინმა 2015 წელს მთავრობას პოზიციის ცვლილებისკენ მოუწოდა, 2016 წელს კი ქნესეთის განათლების კომიტეტმა გენოციდი აღიარა.