რუსთავში საკვები პროდუქტით შვიდი ბავშვის ინტოქსიკაციის ფაქტი დაფიქსირდა. რუსთავის ბავშვთა საავადმყოფოში აცხადებენ, რომ ოთხი ბავშვი საავადმყოფოში გუშინ მოათავსეს, სამი კი დღეს დილით.
შვიდივეს ერთი და იგივე სიმპტომები აღენიშნებოდა, მათი ჯანმრთელობის მდგომარეობა ამ დროისთვის საშუალო სიმძიმისაა.
წინასწარი ინფორმაციით, შვიდივე ბავშვმა რუსთავის ერთ-ერთ საშაურმეში გუშინ შაურმა მიირთვა და ინტოქსიკაციის მიზეზადაც ამას ასახელებენ.
შეგახსენებთ, ეს ბავშვების დიდი რაოდენობით ინტოქსიკაციის მეორე შემთხვევაა რუსთავში ბოლო ათი დღის განმავლობაში. 8 თებერვალს რუსთავის მე-16 საჯარო სკოლის მეშვიდე კლასის 8 მოსწავლე ერთდროულად ცუდად გახდა.
სკოლაში სასწრაფო სამედიცინო დახმარება გამოიძახეს. 3 მოზარდს სამედიცინო დახმარება ადგილზე გაეწია. როგორც გაირკვა შემთხვევა სასმელი წყლის დაბინძურებასთან იყო დაკავშირებული..