მიხეილ სააკაშვილის უკრაინიდან გაძევება სავარაუდოდ, რვა ათასი ევრო დაჯდა. ინფორმაციას ამის შესახებ უკრაინული მედია ავრცელებს.
ტელეგადაცემა „სქემების“ ჟურნალისტების ინფორმაციით, თვითმფრინავი, რომლითაც საქართველოს ყოფილმა პრეზიდენტმა უკრაინა დატოვა, პოლონურ ავიაკომპანია Jet Story-ს ეკუთვნის.
გავრცელებული ინფორმაციით, ნაქირავები თვითმფრინავი Hawker Beechcraft Premier 1A ნომრებით SP-RDW ბორისპოლის აეროპორტიდან ვარშავის მიმართულებით 12 თებერვალს 16:33 საათზე გაფრინდა.
ავიაკომპანია Jet Story-ს ასეთი თვითმფრინავით კიევიდან ვარშავაში მგზავრობა რვა ათასი ევრო ღირს.
ამასთან, ჟურნალისტებმა დაადგინეს, რომ უკრაინას აღნიშნული რეისის ორგანიზებაში უკრაინული კომპანია Sky Handling-ი დაეხმარა.