პრეზდენტი მიხეილ სააკაშვილი პოლონეთიდან ჰოლანდიაში ჩავიდა. ამის შესახებ პეტრო პოროშენკოს ბლოკის დეპუტატი ალექსეი გონჩარენკო facebook-ზე წერს და ამსტერდამის აეროპორტში გადაღებულ ფოტოსაც აქვეყნებს.
„მიხო უკვე ამსტერდამშია. ჩვენს „ჯიგიტს“ მეგობარი დახვდა და სამახსოვრო სურათიც გადაუღო. მიაქციეთ ყურადღება მისი სახის გამომეტყველებას, როგორ უჭირს უკრაინასთან განშორება, ალბათ, ისე, როგორც საქართველოსთან განშორება გაუჭირდა. აბა, ყოჩაღად იყავი ამსტერდამში და არ დაგავიწყდეს, როცა უკრაინულ ტელეარხებს ჩაერთვები, ეს კმაყოფილი ღიმილი ჩამოირეცხე და მოწამეობრივ-მრისხანე გამომეტყველება მიიღე!“-წერს დეპუტატი.
საინტერესოა, რამდენად ეღიმებათ სინამდვილეში და არა ფეისბუქზე, მიხეილ სააკაშვილის მტრებს, როცა მას საბრძოლველად შემართულს, მშვენიერ განწყობაზე მყოფს და ევროპაში თავისუფლად ,,მოსეირნეს' ' ხედავენ. მით უფრო, რომ მიხეილ სააკაშვილი დარწმუნებულია, რომ მალე დაბრუნდება უკრაინაში და დაბრუნდება საქართველოშიც,
”მე დავბრუნდები უკრაინაში, რადგან მაქვს ლეგალური ცხოვრების უფლება. მე დავბრუნდები უკრაინაში და დავბრუნდები საქართველოშიც. დამთავრდება ოლიგარქიების ბატონობა ბევრად უფრო სწრაფად, ვიდრე ბევრს წარმოუდგენია.
ეს არის ძალიან ძირმომპალი და ორივე შემთხვევაში დანაშაულებრივი რეჟიმი, რომელიც მოაჯდა ჩვენს ორ ქვეყანას. უკრაინაშიც და საქართველოშიც ხალხი დაიღალა უპერსპექტივობით, საზოგადოების ნაწილი ტოვებს ქვეყანას. ამ პირობებში საჭიროა დაბრუნება ორივე ქვეყანაში და საჭიროა ვითარების შეცვლა ორივე ქვეყანაში”, – აღნიშნა სააკაშვილმა რუსთავი 2 – თან ინტერვიუში