ზუგდიდში, ვითიბი ბანკში მომხდარი შემთხვევის გამო შს სამინისტრომ გამოძიება სისხლის სამართლის კოდექსის 177-ე, ქურდობის მცდელობის მუხლით დაიწყო. სამინისტროს ინფორმაციით, ამ ეტაპზე ინტენსიური ოპერატიული საგამოძიებო მოქმედებები მიმდინარეობს.
ზუგდიდში, ვითიბი ბანკის შესასვლელი მინის კარი ჩაამსხვრიეს. ბანკის თანამშრომლების ინფოორმაციით, შემთხვევა სავარაუდოდ წუხელ მოხდა. მათივე ინფორმაციით, ბანკიდან თანხა წაღებული არ არის. ადგილზე ექსპერტ-კრიმინალისტები მუშაობდნენ.
