ოჩამჩირეში დაუდგენელმა პირებმა თურქული თევზსაჭერი გემის კაპიტანი სელიმ ქაია გაიტაცეს.
ოჩამჩირის რაიონის ე.წ. ხელმძღვანელის მოადგილის სლავიკ ქუჩუბერიას თქმით , „გუშინ საღამოს, დაახლოებით 20:45 საათზე გემის კაპიტანი კაფედან გამოვიდა და ერთ-ერთ ადგილობრივს პორტამდე მანქანით მიყვანა სთხოვა. რამდენიმე წუთში ისინი ორმა შეიარაღებულმა ნიღბიანმა გააჩერა, მძღოლი ავტომობილიდან გადმოიყვანეს, თვითონ კი მანქანაში ჩასხდნენ და თურქეთის მოქალაქესთან ერთად გაურკვეველი მიმართულებით წავიდნენ“.
ავტომობილი გალი-ოჩამჩირის გზაზე აღმოაჩინეს.
გატაცებულს ამ დრომდე ეძებენ. საქმეს ოკუპირებული აფხაზეთის ე.წ. შსს იძიებს.
