„თუ გაინტერესებთ, როგორ მდიდრულად ვცხოვრობ, ვცხოვრობ ოროთახიან ბინაში 22-ე სართულზე ცენტრიდან შორს, მოსკოვის მოედანთან – ყველაფრის შემდეგ პრეზიდენტობის შედეგად ფული დავაგროვე იმისთვის, რომ ოროთახიანი ბინა მექირავებინა – განაცხადა სააკაშვილმა, გუშინ  კიევის სასტუმროში მომხდარის შემდეგ გამართულ პრესკონფერენციაზე პასუხად  ჟურნალისტის კითხვაზე,  რას აკეთებდა ხუთვარსკვლავიან  Fairmont – ში..

„უკრაინსკაია პრავდას“ ინფორმაციით, საქართველოს ექსპრეზიდენტმა მიხეილ სააკაშვილმა კიევში საცხოვრებელი შეიცვალა და კასტიოლნაიას ქუჩიდან, კიევის ცენტრიდან მოშორებით გადავიდა. 

„ კოსტელნაიადან უკვე გადავედი, რადგან ეს იყო ოფისი და იქ ვეღარ გავაგრძელებდით ცხოვრებას“, – განაცხადა სააკაშვილმა. მისი თქმით, სასტუმროში „სერიოზულმა უცხოელმა სტუმრებმა“ ჩაის დასალევად დაპატიჟეს.

 

ბოლო დროს უკრაინის ხელისუფლება ცდილობს ხაკხს შეუქმნას ილუზია, რომ მიხეილ სააკაშვილი კიევში განცხრომით ცხოვრობს. მას შემდეგ, რაც  დაიმსხვრა მითი იმის შესახებ, რომ მას კიევის სიახლოვეს ფეშენებელური სახლი აქვს, ახალ აქცენტი კეთდება  ხუთვარსკვლავიან სასტუმროზე, სადაც იგი ბინადრობს, ეს უკანასკნელი წუხელ განუწყვეტლივ მუსირებადა პოროშენკოს მართულ მედიასა და ოფიციალურ პირთა კომენტარებში – ამით ხელისუფლება ცდილობს   გუშინდელი ნამოქმედარიდან სხვა თემაზე გადაიტანოს საუბარი. მიხეილ სააკაშვილს არაერთხელ განუცხადებია, რომ  ფულში მცურავი ოლიგარქი პოროშენკო უსირცხვილოდ იშვერს ხელს სხვისი კაპიკებისკენ, თუმცა ასეთი მითები იოლად იმსხვრევა

.

 ამასობაში ხელისუფლების წარმომადგენლები სასტუმროსთან  სპეცრაზმელების მობილიზებასაც კი უარყოფენ და აცხადებენ, რომ არ იციან  ვისი ბრძანებით და რა მიზნით მივიდნენ  იქ ,,ალფას'' მებრძოლები

 

აბა ბიჭებო, თქვენ, ვინც გუშინ ავტომატებით მოხვედით სასტუმროში ჩემს დასაკავებლად, თუ ხედავთ, რომ ხელისუფლებამ  ხელები დაიბანა და თქვენ შეგახოცათ! ნუღარ შეასრულებთ მათ უკანონო ბრძანებებს! თქვენივე სასიკეთოდ მირჩევია ეს ! – მიმართა მიხეილ სააკაშვილმა ,,ალფას'' მებრძოლებს მას შემდეგ, რაც შს სამინისტროში და სახელმწიფო უსაფრთხოების სამსახურში  გაკეთდა განცხადებები, რომ მიხეილ სააკაშვილის დაკავების ბრძანება არავის გაუცია და საერთოდ არ იციან, იყვნენ თუ არა იქ მისული შეიარაღებული ადამიანები  ,,ალფას'' წარმომადგენლები.