კიევში, იმ სასტუმროსთან, რომელშიც მიხეილ სააკაშვილი იმყოფება, სპეცრაზმია მობილიზებული, – ამის შესახებ სააკაშვილის თანაგუნდელი დავით საყვარელიძე „ფეისბუქის“ პირად გვერდზე წერს.
„სასტუმრო Fairmont Grand Hotel Kyiv-თან პოროშენკომ სპეცრაზმი „ალფა“ გამოაგზავნა მიხეილ სააკაშვილის წასაყვანად. ყველანი იქ მივდივართ“, – წერს დავით საყვარელიძე.
უკრაინის უშიშროების სამსახურში აცხადებენ, რომ სასტუმროში, სადაც სავარაუდოდ, მიხეილ სააკაშვილი იმყოფება, „ალფას“ სპეცრაზმი არ გაუგზავნია.
,,ალფა მხოლოდ უშიშროების სამსახურს არ ექვემდებარება, მას“სხვადასხვა ორგანოების მითითებების შესრულება შეუძლია '' განუცხადა გამოცემა „უკრაინსკაია პრავდას“ უშიშროების სამსახურის პრესმდივანმა ელენა გიტლიანსკაიამ.
ასევე, აღნიშნულთან დაკავშირებით კომენტარი არ გაუკეთებიათ უკრაინის გენერალურ პროკურატურაში. გენერალური პროკურორის წარმომადგენლის ლარისა სარგანის განცხადებით, სასტუმროში სპეცრაზმის გაგზავნასთან დაკავშირებით მან არაფერი იცის.
დამატებითი დეტალები ჯერჯერობით უცნობია. პოსტი საყვარელიძემ რამდენიმე წუთის წინ დადო.