თბილისის სახელმწიფო უნივერსიტეტის 100 წლისთისადმი მიძღვნილი შეხვედრა დილიდან ხმაურის ფონზე დაიწყო. 
 

ღონისძიებას პრემიერმინისტრი და კათოლიკოს-პატრიარქი დაესწრნენ. ღონისძიებაზე იმყოფებოდნენ სხვადასხვა ქვეყნის უნივერსიტეტიდან მოწვეული 50-მდე სტუმარი, მაგრამ დარბაზში ვერ მოხვდა დასწრების მსურველი სტუდენტების დიდი ნაწილი, მათ შორის   "აუდიტორია 115"-ის წევრები. 

ამ უკნასკნელთ დარბაზში შესვლა მოითხოვეს, ერთ-ერთი მათგანი  ღონისძიების მსვლელობისას რექტორის სიტყვით გამოსვლის დროს დარბაზში შევარდა და  ეს მოთხოვნა გააჟღერა,  თუმცა მას დაცვამ დარბაზი დაატოვებინა, რასაც გარეთ შეკრებილ ი სტუდენტების ხმაური მოყვა. 

 

მოგვიანებით  გიორგი კვირიკაშვილი  აუდიტორია 115-ის წევრებს შეხვდა. მან სტუდენტებს  განუმარტა, რომ სტუმრების სია მთავრობის ადმინისტრაციას არ შეუდგენია და თავის მხრივ დასძინა, რომ სტუდენტებს მასთან შეხვედრის პრობლემა არასოდეს ჰქონიათ, რაც  წარსულშიც არაერთხელ დამტკიცდა.

 

სტუდენტებმა მას წამოაძახეს, რომ დაცვის გარეშე უნივერსიტეტში მისვლას ვერ ბედავს, არადა იყო დრო, როცა მას ამ სტუდენტების დახმარება სჭირდებოდა.  პრემიერმა პასუხი გასცა ამ   შეძახილებს: „ძალიან უხერხულია. მე თქვენთან კომუნიკაციაზე უარი არასდროს არ მითქვამს. ახლაც მოვედი. მაშინაც მოვედი და საერთოდ არ მჭირდება დაცვა,“-განაცხადა გიორგი კირიკაშვილმა. 

 

თსუ-ს 100 წლის იუბილე იუნესკოს ეგიდით აღინიშნება. ღონისძიებები მთელი ქვეყნის მასშტაბით და ასევე საერთაშორისო დონეზე იმართება.