დე ფაქტო სახელმწიფო უსაფრთხოების სამსახურის მიერ გავრცელებული ინფორმაციის თანახმად, შარშან ათასზე მეტი ადამიანი დააკავეს აფხაზეთ-საქართველოს „სახელმწიფო საზღვრის“ დარღვევისთვის.
დაკავებულთაგან სისხლის სამართლებრივ პასუხისგებაში მიეცა 43 პირი, .დააჯარიმეს 500-ს „დამრღვევი'', აფხაზეთის ტერიტორიიდან კი 23 პირი გააძევეს. დანარჩენებთან დაკავშირებით პრევენციული ზომები იქნა მიღებული.
ამასთან, ღონისძიებების შემდეგ გამოავლინეს 32 ადამიანი დოკუმენტებით, რომლებიც გაყალბების ნიშნებს შეიცავდა. ეს დოკუმენტები დე ფაქტო შინაგან საქმეთა სამინისტროში გადაიგზავნა.
განცხადების მიხედვით, „საზღვრის დამრღვევ“ პირთა რაოდენობა წინა 2016 წელთან შედარებით საგრძნობლად შემცირდა, კერძოდ, სამჯერ ნაკლებია 2016 წლის მონაცემებზე.
,,ეს განპირობებულია „სახელმწიფო საზღვრის“ დაცვის ახალი მიდგომების შემუშავებით, დე ფაქტო სახელმწიფო უსაფრთხოების სამსახურის სასაზღვრო დანაყოფის და აფხაზეთში რუსეთის ფედერაციის სასაზღვრო პოლიციის ერთობლივი მუშაობით.'' – ნატქვამია განცხადებაში.