ზუგდიდს 24-საათიანი წყალმომარაგება ექნება მიმდინარე წლის ბოლოდან, 24 საათიანი წყალმომარაგება ექნება. ინფორმციას წყალმომარაგების კომპანია ავრცელებს.
პროექტის ფარგლებში ეწყობა წყალმომარაგების მაგისტრალური მილსადენი, გამანაწილებელი ქსელი და ჭაბურღილები, ასევე, შენდება სატუმბი სადგური, საქლორატორო და რეზერვუარები. მიმდინარეობს მოსახლეობის ინდივიდუალური გამრიცხველიანება. ამ დროისთვის, სამუშაოების 67% შესრულებულია.
სამუშაოების დასრულების შემდეგ, ქალაქს ათწლეულების განმავლობაში გადაუჭრელი პრობლემა მოუგვარდება და ხარისხიანი სასმელი წყლის უწყვეტ რეჟიმში მიწოდება განხორციელდება.
პროექტის ღირებულება 94 135 807 ლარია და მას აზიის განვითარების ბანკი აფინანსებს. პროექტის ფარგლებში დასაქმებულია საქართველოს 203 მოქალაქე.
ზუგდიდში წყალმომარაგების ცენტრალიზებული სისტემა დღემდე არ არსებობს და მოსახლეობის ძირითადი ნაწილი ინდივიდუალური ჭებითა და საუბნო ჭაბურღილებით სარგებლობს.