კვლავ ხმაურია ზუგდიდის ბაზრის მიმდებარე ტერიტორიაზე, სადაც გარემოვაჭრეებმა სამდღიანი საპროტესტო აქციების შემდეგ ქალაქის ხელისუფლებისაგან მიღებული უარის მიუხედავად, თვითნებურად განაახლეს მუშაობა .
ადგილზე მობილიზებულიმა სამართალდამცავებმა მათ სავალი გზიდან სავაჭრო პროდუქციის აღება მოსთხოვეს, თუმცა წინაღმდეგობას წააწყდნენ, რის შემდეგაც ერთ-ერთი გარემოვაჭრე დააკავეს, იგი, სავარაუდოდ, პოლიციის სამმართველოს შენობაშია გადაყვანილი.
დაკავებას გარემოვაჭრეების მხრიდან პროტესტი მოყვა. ერთ-ერთი მათგანი შეუძლოდ გახდა, რის გამოც სასწრაფო სამედიცინო დახმარების გამოძახება გახდა საჭირო.
მანამდე სიტუაცია რამდენჯერმე დაიძაბა. სამართალდაცმავებმა გარემოვაჭრეებს სავაჭრო საქონლის გზის სავალი ნაწილიდან აღება რამდენჯერმა მოსთხოვეს, თუმცა ისინი აცხადებენ, რომ ამის გაკეთებას არ აპირებდნენ, რადგან მათი შემოსავლის ერთადერთი წყარო გარევაჭრობაა და უკვე სამი დღეა ულუკმაპუროდ არიან დარჩენილები.მათივე მტკიცებით, ისინი მერიის მიერ შეთავაზებულ ალტერნატიულ ფართზე შესვლას არ აპირებენ.
ამ წუთებში ადგილზე მობილიზებულია სამართალდამცავი ორგანიების, ზედამხედველობის სამსახურის და სასწრაფო სამედიცინო დახმარების ბრიგადები.