ხმაური იყო საკრებულოს სხდომაზე, სადაც გარევაჭრობის საკითხის განხილვა მიმდინარეობდა. სხდომას გარემოვაჭრეებისა და შიდამოვაჭრეების ნაწილი ესწრებოდა. შიდამოვაჭრეები ეწინააღმდეგებიან გარევაჭრობის დაშვებას და მის აკრძალვას ითხოვენ, მათ ეს პოზიცია საკრებულოს სხდომაზეც დააფიქსირეს. თავის მხრივ გარემოვაჭრეები გარევაჭრობაზე ნების დართვას ითხოვენ. მათი გაღიზიანება გამოიწვია უმრავლესობის პოზიციამ გარევაჭრობის აკრძალვასთან დაკავშირებით. საკრებულოზე შუამდგომლობა დააყენა ფრაქცია „ნაციონალურმა მოძრაობამ“, რომელიც წინა საკრებულოს მიერ მიღებული გარევაჭრობის რეგულაციის წესის შეცვლასა და კომისიის შექმნას ითხოვს. კომისიის შექმნის ინიციატივას მხარს უჭერს საკრებულოსუმრავლესობა.გარემოვაჭრეებმა სხდომაზე ითხოვეს გარევაჭრობის დაშვება, მანამ, სანამ კომისია საკითხს შეისწავლის, რაზეც კატეგორიული უარი მიიღეს. ამის შემდეგ გარემოვაჭრეებმა პროტესტის ნიშნად დატოვეს სხდომა. ისინი აცხადებენ, რომ დაუბრუნდებიან თავიანთ ადგილებს და მუშაობას დაიწყებენ.