გარემოვაჭრეებმა მერიიდან გუბერნიისკენ გადაინაცვლეს, ისინი ამბობენ, რომ არ აპირებენ დაშლას და აქციებს გააგრძელებენ, მანამ, სანამ მათი მოთხოვნა არ დაკმაყოფილდება. აქციის მონაწილეები ელოდებიან საკრებულოს სხდომას, რომელიც დღეს  2 საათზეა ჩანიშნული. გარემოვაჭრეების თქმით, მათი წარმომადგენელი დაესწრება სხდომას და თუ დღესაც არ გადაწყდა მათთვის სასარგებლოდ საკითხი, ხვალიდან თავიანთ ადგილებს დაუბრუნდებიან. „ჩვენ სხვა გამოსავალი არ გვაქვს, უნდა ვიმუშაოთ, ყოველდღიური სესხები გვაქვს და რითი უნდა დავფაროთ შვილო?“- ამბობენ მოვაჭრეები. მათ ხელში უჭირავთ პლაკატები წარწერით „ძირს გოგია“