თბილისი–სენაკი–ლესელიძის საავტომობილო გზაზე ყველა სახის ავტოტრანსპორტის მოძრაობა აღდგა.
საავტომობილო გზების დეპარტამენტის ინფორმაციით, ჩატარებული ინტენსიური გაწმენდითი სამუშაოების შედეგად, საერთაშორისო მნიშვნელობის თბილისი–სენაკი–ლესელიძის საავტომობილო გზის კმ138–კმ158 ჩუმათელეთი-ხუნევის მონაკვეთზე ავტოტრანსპორტის მოძრაობა თავისუფალია.
რაც შეეხება რკინიგზას,ხაშური-ზესტაფონის საუღელტეხილო მონაკვეთზე, სადაც ელექტროენერგიის მიწოდების შეწყვეტის გამო , დროებითი შეფერხება შეექმნათ მაგისტრალზე მოძრავ მატარებლებს, პრობლემა გვარდება.
”საქართველოს რკინიგზაში” აცხადებენ, რომ ამჟამად ელექტროენერგიის მიწოდება აღდგენილია და მატარებლების გაშვება ხდება ეტაპობრივად.
ყველა შესაბამისი სამსახური მუშაობის განსაკუთრებულ რეჟიმზეა გადასული.
შეგახსენებთ, რომ თავდაპირველად, მოძრაობის შეფერხების შესახებ ინფორმაცია თბილისი-ზუგდიდის მიმართულებით მოძრავი მატარებლის მგზავრებმა გაავრცელეს. მატარებელი ხაშურთან იყო გაჩერებული. მათივე ინფორმაციით, ასევე ხაშურის ტერიტორიაზე იყო გაჩერებული საპირისპირო მიმართულებით მოძრავი მატარებელიც.