კიევის სააპელაციო ადმინისტრაციულმა სასამართლომ საქართველოს ყოფილი პრეზიდენტის მიხეილ სააკაშვილის მიერ სახელმწიფო საიმიგრაციო სამსახურის წინააღმდეგ შეტანილი სარჩელის განხილვა 5 თებერვლამდე გადადო. ამის შესახებ УНН იუწყება.
„სააკაშვილის განცხადება სასამართლოს შემადგენლობის აცილების შესახებ ნაწილობრივ დაკმაყოფილდეს, საქმე გადაეცეს შესაბამის სამსახურს აცილების საკითხის განსახილველად. შემდეგი სასამართლო სხდომა გაიმართება 5 თებერვალს 10:00 საათზე“, – განაცხადა მოსამართლემ.
შეგახსენებთ, რომ კიევის საოლქო ადმინისტრაციულმა სასამართლომ სახელმწიფო საიმიგრაციო სამსახურს დაავალა, წარმოადგინოს მასალები, რომელთა საფუძველზეც სააკაშვილს ლტოლვილის ან დამატებითი დაცვის საჭიროების მქონე პირის სტატუსის მიღებაზე უარი ეთქვა