ინტენსიური თოვისა და ყინვის გამო საავტომობილო გზებზე შეზღუდვები ამოქმედდა. ამ დროისათვის თბილისი-სენაკი-ლესელიძის, ჩუმათელეთი-ხუნევის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა.
დანარჩენი სახის მანქანებისთვის მოძრაობა თავისუფალია.შეზღუდვებია საჩხერე-ჭიათურა-ზესტაფონის მონაკვეთზეც, სადაც მოძრაობა აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსებისთვის.დანარჩენი სახის ავტოტრანსპორტის გადაადგილება დასაშვებია მოცურების საწინააღმდეგო ჯაჭვების გამოყენებით.