რამდენიმესაათიანი ლოდინის შემდეგ გარემოვაჭრეებსა და მერს შორის შეხვედრა კონკრეტული შეთანხმების გარეშე დასრულდა. მოვაჭრეები მერთან შეხვედრით უკმაყოფილოები არიან. შეხვედრიდან გამოსული მოვაჭრეები ამბობენ, რომ მერიას მათთვის ალტერნატიული ფართი მოძიებული არა აქვს და მათ შეყვანას „ალიანსი“ ბაზრობაზე აპირებს. „მერს მხოლოდ ერთი სიტყვა ცოდნია კარგად- დემაგოგია, სხვა ვერაფერი გავიგეთ“- ამბობს ერთ-ერთი გარემოვაჭრე.თავის მხრივ ლაშა გოგიამ ჟურნალისტებთან ბრალდებას აბსურდული უწოდა, მისი თქმით, მერია პოზიციებს არ დათმობს და გარევაჭრობა არ დაიშვება. რაც შეეხება მოვაჭრეებს, მათი თქმით, ისინი არ თანხმდებიან მერიის შეთავაზებას და ამ დრომდე მერიასთან რჩებიან.