ზუგდიდში, ცოტნე დადიანის ქუჩაზე ხანძარს 82 წლის ქალი ემსხვერპლა.ცეცხლი საცხოვრებელი კორპუსის ბინაში გაჩნდა. ხანძარი უკვე ლიკვიდირებულია. დამწვარია ერთი ოთახი და საოჯახო ნივთები.არსებული ინფორმაციით, 82 წლის ქალი დაკვამლიანების შედეგად დაიღუპა. გარდაცვალების ზუსტ მიზეზს ექსპერტიზა დაადგენს.
შინაგან საქმეთა სამინისტროს ინფორმაციით, მომხდარზე გამოძიება სსკ-ის 188-ე მუხლით დაიწყო, რაც გულისხმობს ნივთის დაზიანებას ან განადგურებას გაუფრთხილებლობით.