უკრაინის ოპოზიციის ლიდერი მიხეილ სააკაშვილი აცხადებს, რომ შინაპატიმრობის გამო ძულებულია გადადოს ქვეყნის სხვადასხვა რეგიონებში დადგეგმილი შეხვედრები, მაგრამ განზრახული აქვს ძალიან პროდუქტიულად გამოიყენოს დრო, რომელიც სასამართლოს გადაწყვეტილებით შინაპატიმრობაში უნდა გაატაროს. – ამის შესახებ მიხეილ სააკაშვილმა წუხელ, ტელეარხ NewsOne – ისთვის მიცემულ ინტერვიუში განაცხადა.
,,ჯერ ერთი, მე ახლა ვასრულებ მუშაობას ფილმზე უკრაინის მომავლის შესახებ, კერძოდ იმაზე, როგორი უნდა იყოს ახალი იურიდიული სისტემა, სახელმწიფო სისტემა, ახალი გეოგრაფია ტურიზმის თვალსაზრისით და ახალი ეკონომიკა და როგორ გამოვიდეთ ამ კრიზისიდან ‘’ – განაცხადა მან.
პოლიტიკოსი ამბობს, რომ შეიძლება თავის ბინაში ტელესტუდია გახსნას.
,,ბინაში, რომელშიც ახლა ქირით ვცხოვრობ, შემიძლია შევქმნა ერთგვარი ტელესტუდია და აქედან წავიყვანო რეპორტაჟები, ასე რომ შესაძლოა თქვენი კონკურენტიც აღმოვჩნდე. რასაკვირველია, ვხუმრობ – თქვენ დიდი ტელევიზია ხართ, ეს კი პატარა სტუდია იქნება. მაგრამ ნებისმიერ შემთხვევაში მე არ დავჯდები აქ უსაქმურად. მე ბრძოლას ვაპირებ.'' – განაცხადა მიხეილ სააკაშვილმა