ბათუმი-სარფის საავტომობილო გზაზე ჩამოწოლილი მეწყრის გამო უკვე ორი დღეა, საავტომობილო მიმოსვლა შეჩერებულია და მის აღდგენაზე ინტენსიური მუშაობა მიმდინარეობს.
დღეს სპეციალისტებმა გზაზე ჩამოტანილი ქვის ლოდები ააფეთქეს, რის შემდეგაც გზის გახსნა, სავარაუდოდ, ნაშუადღევს გახდება შესაძლებელი .
შეგახსენებთ, კლდის ჩამოშლის შედეგად არავინ დაშავებულა. თუმცა თვითმხილველების თქმით, დაზიანდა ერთი ტრაილერი, რომელიც სტამბოლიდან ყაზახეთის მიმართულებით მიდიოდა და სამშენებლო მასალები გადაჰქონდა.