კიევის სააპელაციო სასამართლომ პროკურორების აცილების შესახებ საქართველოს ყოფილი პრეზიდენტის მიხეილ სააკაშვილის დაცვის მხარის მოთხოვნა არ დააკმაყოფილა
. УНН -ის ინფორმაციით, შესაბამისი გადაწყვეტილება კიევის სააპელაციო სასამართლოს მოსამართლეთა კოლეგიამ დღეს გამოიტანა.
“მოსამართლეთა კოლეგია მივიდა დასკვნამდე, რომ ადვოკატების განცხადებაში აცილების საფუძველი არ არსებობს. შესაბამისად, სასამართლომ გადაწყვიტა უარი ეთქვას ადვოკატების განცხადებას პროკურორების აცილების შესახებ“, – ნათქვამია სასამართლოს დადგენილებაში.
მიხეილ სააკაშვილის ადვოკატების განცხადებით, საქართველოს ყოფილი პრეზიდენტის წინააღმდეგ აღძრული საქმე გენერალური პროკურატურის მიერაა შეთითხნილი, შესაბამისად, პროკურორები მიკერძოებულები არიან.