"არა ჩადებას!"- ამ მოთხოვნით გიორგი გიორგანაშვილის, იგივე ბახალას მხარდამჭერ აქციას საზოგადოებისათვის ცნობილი სახეებიც შეუერთდებიან.ისინი სახელმწიფოსგან ე.წ. ჩადების ინსტიტუტის გაუქმების აუცილებლობაზე საუბრობენ.„ვუერთდები იმიტომ, რომ მინდა ერთხელ და სამუდამოდ ჩვენს ქვეყანაში ეს ყველაზე მანკიერი, ყველაზე მანკიერი პრაქტიკა რაც არის და რასაც სახელად ჰქვია ჩადება, დასრულდეს,“-აცხადებს მწერალი ნენე კვინიკაძე.

მწერლები, მომღერლები და მსახიობები, გიორგი გიორგანაშვილის დაუყოვნებლივ გათავისუფლებას ითხოვენ.„მე ზუსტად ვიცი, რომ მას ჩაუდეს. ამ საკითხს უბრალოდ ვერ განვაზოგადებ და ვარ წინააღმდეგი ზოგადად ამის. რა თქმა უნდა არ არის ახალი და ყველა ამ ქვეყანაში დავიბადეთ და ვიცით, რომ ასეთი რაღაცეები ხდება. უნდა დასრულდეს ასეთი რაღაცეები და კონკრეტულად ბახალას შემთხვევაში ჩემთვის ძაან ნათელია, რომ აქ ამას ჰქონდა ადგილი,“-განაცხადა ”Sou festival”-ის დამფუძნებელმა და სამხატვრო ხელმძღვანელმა სანდრო ლომინაშვილმა