„მიღებული გადაწყვეტილება საბოლოოა – ჩვენ აფხაზეთის და სამხრეთ ოსეთის დამოუკიდებლობის უკან წაღებას არ ვაპირებთ'' – განაცხადა რუსეთის საგარეო საქმეთა მინისტრის მოადგილე გრიგორი კარასინმა გამოცემა „კომერსანტისთვის“ მიცემულ ინტერვიუში .
„დიპლომატიური ურთიერთობები საქართველომ გაწყვიტა. თბილისის აზრით, ამ ურთიერთობების აღდგენის პირობა რუსეთის მიერ აფხაზეთისა და სამხრეთ ოსეთის დამოუკიდებლობის უკან წაღება უნდა გახდეს. ჩვენ ამაზე არ წავალთ. მიღებული გადაწყვეტილება საბოლოოა. ჩვენ ამ ახალგაზრდა კავკასიურ რესპუბლიკებთან ურთიერთობებს ვაყალიბებთ, როგორც მოკავშირეებთან. როგორც კი საქართველო ახალი რეალიების გათვალისწინებით დიპლომატიური ურთიერთობების აღდგენისთვის იქნება მზად, ჩვენი მხრიდან ამას დაუყონებლივი პოზიტიური რეაქცია მოჰყვება“, – განაცხადა კარასინმა.