ტაქსების სავალდებულო რეგისტრაცია საქართველოს საკურორტო ზონებშიც დაიწყება, – ინფორმაცია ამის შესახებ "ინტერპრესნიუსი" რეგიონული განვითარებისა და ინფრასტრუქტურის მინისტრის ზურაბ ალავიძის განცხადების საფუძველზე ავრცელებს.
,,პირველ რიგში, რეგიონებში რასაც ვიზამთ არის ის, რომ აუცილებლად შემოვიღებთ ამ რეგულაციებს საკურორტო ზონებში. წელს კატასტროფა ხდებოდა ბაკურიანში. მთელი საქართველოდან ტაქსები ბაკურიანში იყო ასული. ერთ დამსვენებელზე ამდენი ტაქსი საჭირო ნამდვილად არ იყო. აქედან გამომდინარე, ეს რეგულაციები აუცილებლად მოხდება და მოხდება სწრაფად, ამის აუცილებლობა დგას. აუცილებელია ეს ყველაფერი გაკეთდეს და მოწესრიგდეს''.- განაცხადა ალავიძემ.
მინისტრი მიესალმა კახი კალაძის განცხადებას მუნიციპალიტეტის მთავრობის სხდომაზე იმის შესახებ, რომ თბილისის მერია ტაქსების სავალდებულო რეგისტრაციას დაიწყებს. კალაძის თქმით, თბილისის მოსახლეობა და დედაქალაქის სტუმრები იმსახურებენ ხარისხიან, უსაფრთხო და კომფორტულ სერვისს.
მინისტრი ჯერჯერობით ვერ ამბობს,როგორი იქნება სავალდებულო რეგისტრაცია, "ვმუშაობთ ამ საკითხზე, რომ მივიღოთ ნორმალური რეგულაციები, რათა ხელი არ შეეშალოს არც ბიზნესს და არც დამსვენებელს", – განაცხადა მან, შესაბამისად არ კონკრეტდება, სად,როდისდარასახით მოხდება ეს რეგიონებში. ყოველ შემთხვევაში, ის რომ რეგისტრაცია სამეგრელო – ზემო სვანეთის რეგიონსაც შეეხება, უეჭველია.