უკრაინის პრეზიდენტი პეტრო პოროშენკო, მსოფლიო ეკონომიკური ფორუმის ფარგლებში, დავოსში აშშ-ის პრეზიდენტ დონალდ ტრამპს შეხვდება, – ამის შესახებ უკრაინის საგარეო საქმეთა მინისტრმა პავლო კლიმკინმა განაცხადა.
„რა თქმა უნდა, პრეზიდენტი შეხვდება და დაელაპარაკება დონალდ ტრამპს“, – აღნიშნა უკრაინის საგარეო უწყების ხელმძღვანელმა. მისი თქმით, აშშ-ის პრეზიდენტთან შეხვედრა საერთო შეხვედრის ფორმატში შედგება.
„რაზე შეიძლება ისაუბრო საერთო შეხვედრის ფორმატში?! რა თქმა უნდა, ისინი ისაუბრებენ, როგორც ორი პრეზიდენტი“, – განაცხადა კლიმკინმა.
მსოფლიო ეკონომიკური ფორუმი შვეიცარიაში, დავოსში 23-დან 26 იანვრამდე გაიმართება.